نشر الفنان أحمد زاهر، عبر حسابه الشخصي على Instagram، مجموعة صور من كواليس مسلسل "ولد الغلابة"، الذي لعب فيه دور ‏جمال لبة.‏تلقى أحمد زاهر عدد من الإشادات على أدائه للشخصية، إلا أنه تلقى تعليقًا يحمل انتقادًا للدور، من أحد متابعيه الذي قال له: "أوفر ‏أوي، مش كل مرة تسلم الجرة يا أحمد، ده كان دور زي الزفت".‏ View this post on Instagram #صور #كواليس #مسلسل #ولد_الغلابه #جمال_لبه #محمد_سامي @directormohamedsami A post shared by Ahmedzaherofficial1 (@ahmedzaherofficial1) on Aug 1, 2019 at 5:19pm PDT رد أحمد زاهر على تعليق المتابع قائلًا: "بص حضرتك هو طبعا رأيك يحترم وعلي راسي كمان،بس اسمحلي أنا مندهش أنت أول ‏كومنت أقرأه بيقول رأيك ده، كل الناس عكس كلامك نهائي، والناس دي بالملايين مش رقم قليل، بس برضه أنت حر في رأيك بس ‏بمقارنة رأيك قصاد ملايين بيتهيالي ساعتها هايبقي رأيك مش مسموع ومش متشاف وملوش وجود أصلا".‏تابع أحمد زاهر: "فبدل الهري ده كله قولي أنا مبحبكش و دي برضه حرية شخصية، ولا تزعلني أصلا و بعدين لو مبتحبنيش ليه ‏داخل صفحتي؟ لا وبتعلق لا وتعليق سخيف طب ليه بتعذب نفسك لما تلاقي صورتي قلب علي طول أحسن ما تسخف علي الناس ‏دي".‏تدارك المتابع الأمر ورد على زاهر بتعليق يحمل تقديرًا له قائلًا: "لا على فكرة أنا بحبك أوي ودايما بعلق لك، ومتابع أدوارك من لما ‏كنت صغير في الرجل الأخر وللعدالة وجوه كثيرة، مرورا بـ لقاء على الهواء، وحكاية حياة، وكلام على ورق والطوفان، دول أكتر ‏أدوار عجبوني، وكمان متابع رحلة مرضك مع الهايبوثايرودزم، لأني كنت بدرس طب، ميرسي على ردك بس ياريت تتقبل اللي ‏بينقدك برحابة صدر أكتر من كده، جمهورك بيحبك مش شرط يطبلك طول الوقت الدور معجبنيش وأفتكر مفيهاش حاجه دي حتى لو ‏أنا الوحيد في العالم اللي معجبوش، متزعلش يانجم والله بحبك".‏رد أحمد زاهر ناهيًا الجدل: "ولا يهمك حقك ورأيك وأنت حر فيه و إن شاء الله الدور اللي جاي يعجبك".‏جدير بالذكر أن مسلسل "ولد الغلابة" من بطولة أحمد السقا، صفاء الطوخي، إنجي المقدم، هبة مجدي، مي عمر، إدوارد، أحمد ‏زاهر، هادي الجيار، كريم عفيفي، عفاف رشاد، محمد ممدوح، تأليف أيمن سلامة، إخراج محمد سامي، وإنتاج سيدرز آرت برودكشن، ‏صادق الصباح.‏